მომავლის მყარი ფუნდამენტი.
ჩვენი პროდუქტი მომავლის მყარი ფუნდამენტია, რომელზეც ქალაქები იზრდება, სივრცეები ერთიანდება და თანამედროვეობა იქმნება.
კომპანიის შესახებ
Cemx ადგილობრივ წარმოების საუკეთესო ტრადიციებზე დაფუძნებული ბეტონის მწარმოებელი კომპანიაა, რომელიც სამშენებლო ინდუსტრიაში ანგარიშგასაწევ მოთამაშედ შემოდის და მომსახურების თანამედროვე, პროგრესულ სტანდარტს ამკვიდრებს. კომპანიის სიმძლავრესა და განვითარების სწრაფ ტემპს ზურგს ჩვენი გუნდის მრავალწლიანი პროფესიული გამოცდილება და დარგის სიღრმისეული ცოდნა უმაგრებს.
ისტორია
ჩვენი ისტორია დაიწყო გადაწყვეტილებით და გაგრძელდა პასუხისმგებლობით, ინფრასტრუქტურული ლანდშაფტის შექმნაზე, რომელიც სამშენებლო სექტორს ხარისხის, სანდოობისა და მომსახურების ახალ სტანდარტს შესთავაზებდა. ბეტონის თანამედროვე საწარმოები და მრავალსაფეხურიანი ხარისხის კონტროლის სისტემა ამბიციური პროექტების რეალობად ქცევის საშუალებას გვაძლევს.
მისია და იდეა
ჩვენი მისიაა სამშენებლო ინდუსტრიაში ხარისხის პროგრესული და თანამედროვე სტანდარტების დამკვიდრება. ჩვენი დანიშნულების წერტილი მკაფიოა - ევროპული ხარისხის სტანდარტის მქონე ქართული ბეტონი ვაწარმოოთ. ვქმნით მომხმარებლების საჭიროებაზე მორგებულ, მოქნილ და სწრაფ სერვისს.
საქმიანობა და ღირებულებები
კომპანიის საქმიანობა ეფუძნება ოთხ მზიდ კოლონას - განვითარებას, უწყვეტობას, სტრატეგიულ კომუნიკაციასა და საიმედო გარემოს. თითოეული სამუშაო დღე მიმართულია ინოვაციური მიდგომების დანერგვისა და ბრენდის ევოლუციისკენ.
უზადო ხარისხი
მრავალსაფეხურიანი კონტროლი და წარმოების უმაღლესი სტანდარტი ჩვენი პროდუქტის საიმედოობის გარანტიაა.
პროფესიონალიზმი
ჩვენი გუნდის მრავალწლიანი პრაქტიკული გამოცდილება და დარგის სიღრმისეული ცოდნა კომპანიის მთავარი სიმძლავრეა.
სიმძლავრე
ქვეყნის ყველაზე მასშტაბური ტექნიკური პარკი და გამართული ლოჯისტიკა შეკვეთის დროულ შესრულებას უზრუნველყოფს.
სანდოობა
ჩვენ ვაშენებთ გრძელვადიან, პარტნიორულ ნდობას, სადაც მომხმარებლის კმაყოფილება მთავარი პრიორიტეტია.
ტექნიკური პარკი
კომპანიის განკარგულებაში 40 ერთეული თანამედროვე, A6 თაობის, 2025-2026 წლების მიქსერი და 8 ერთეული ბეტონტუმბოა, რომელთა შესაძლებლობები სრულად აკმაყოფილებს საქართველოში არსებული ნებისმიერი არქიტექტურული პროექტის სამშენებლო საჭიროებებს.
მსგავსი მასშტაბისა და შესაძლებლობების ტექნიკური რესურსი ქართულ ბაზარზე უნიკალურია. ეს უპირატესობა იძლევა საშუალებას, დიდი მოცულობის ბეტონის ჩასხმა ერთდროულად და ოპერატიულად უზრუნველვყოთ.
ქარხნები და ლოკაციები
ქარხნების სტრატეგიულად შერჩეული ლოკაციები ჩვენი მთავარი უპირატესობაა, რომლითაც თბილისსა და მის შემოგარენში ბეტონის სწრაფ, მოქნილ და დროულ მიწოდებას უზრუნველვყოფთ.
ხარისხის კონტროლი
პროდუქციის ხარისხი მკაცრ კონტროლს, პროფესიონალ ლაბორანტთა რეკომენდაციებსა და საერთაშორისო სტანდარტების დაცვას ეფუძნება. სრულად ვაკონტროლებთ ყველა გზას ბეტონის საბოლოო მიწოდებამდე.
პროცესი იწყება ნედლეულის მოპოვებით, რასაც მისი დამუშავება, თანამედროვე ხარისხის სტანდარტებთან მორგება და წარმოებისთვის მომზადება მოსდევს. პროცესში განსაკუთრებული ყურადღება ნარევის შემადგენლობის ანალიზსა და ხარისხის მუდმივ მონიტორინგს ეთმობა.
ჩვენი საწარმოები ISO სტანდარტის შესაბამის სერტიფიკატებს ფლობს.
პროდუქცია და სერვისები
ვქმნით მყარ, პროგნოზირებად და უსაფრთხო სამშენებლო სივრცეებს.
ბეტონი
უმაღლესი ხარისხის ბეტონი, რომელიც აკმაყოფილებს საერთაშორისო ნორმებს. ჩვენ ვუზრუნველყოფთ სამშენებლო ობიექტების დროულ და უსაფრთხო მომარაგებას.
ცემენტი
ლაბორატორიულად შემოწმებული ცემენტი ნებისმიერი სირთულის პროექტისთვის, რაც სტაბილურობისა და საიმედოობის მყარი გარანტიაა.
ბეტონის ჩასხმა
ბოლო საფეხური არის ბეტონის ჩასხმა, რომელიც სამშენებლო სამუშაოების მაღალი სტანდარტით შესრულების შესაძლებლობას იძლევა.
სერვისები და ლოჯისტიკა
კლიენტებთან მყარი ურთიერთობა ჩვენი ბიზნესის ამოსავალია. გთავაზობთ გამჭვირვალე და ორმხრივ ინტერესებზე დაფუძნებულ მომსახურებას.
კარიერა
Cemx-ის კორპორატიული იდენტობა პროფესიონალთა გუნდზე დგას. ჩვენ მუდმივად ვიწვევთ მიზანდასახულ და ენერგიულ ადამიანებს, რათა ერთად შევქმნათ ეკონომიკური დოვლათი.
თუ გაქვთ სურვილი დასაქმდეთ თანამედროვე საწარმოო ინფრასტრუქტურის მქონე კომპანიაში და ისარგებლოთ საუკეთესო პირობებით, შემოგვიერთდით.
